جريدة المزرعة عيون الواقع وحلم المستقبل
برامج التغذية والتشخيص بين التطبيق والتهجيص…..
زمان فى اوائل الثمانينات قال ليا دكتور كبير من مديرى معهد بحوث البساتين
القدامى د. احمد طلعت الوكيل رحمه الله عليه ..الزرع يا ابنى بيتكلم إنزل وكلمه
وها يرد عليك ..ودى كانت كلمته دايمآ لاى مهندس جديد ….كبرنا وفعلا كنا نلاقى
الزرع زعلان …لون ورقه حالل او نمواته واقفة او ورقه فيه مشكلة ثقوب
٠٠حرق فى الأطراف او بقع وسط الورقة او.. او.. او..ولما كنا ندخل نزور مزرعة
سواء تبع مأمورية للمعهد أو اشراف جديد عليها ….كان الواحد يقف يكلم
الشجرة زى ما إتعلم..إنتى زعلانه ليه؟؟؟ايه ناقص عندك اكمله ؟؟ وكان عشان
نعرف الرد منها إننا نفهم يعنى إيه نقص عناصر يعنى إيه تشابه إصابة مرضية
أو حشرية أو ظروف جوية أو ظروف عطش أو ظروف ملوحة مع نقص العنصر
وهل ياترى الشجر اللى بنكلمه ها يرد علينا وال إيه؟ ومع الايام والخبرة
إتعلمنا من الشجر إن الطريقة كده :
1)دور على المشكلة فى الشجرة الاول فوق فى النمو الخضرى من ناحية
الإصابة الحشرية او المرضية فطرية –بكتيرية –فيروسية لو مفيش إنقل
على نمرة .2
2 )احفر حوالين الجذر وشوف ايه الاخبار فيه نيماتودا فيه أعفان فيه عطش
نشف الجذور وبص على نقاطات الخرطوم لو المشكلة موجودة نقاطات
مسدودة الضغط ضعيف فى نهايات الخطوط ها يبان ده لما تشغل الرى لو
فيه مشكلة هنا يبقى كل حاجة تخص النمو الخضرى حصل فيها مشكلة ولو
عالجت السبب الدنيا ها تتحسن اوى وها تختفى المشكلة وانا واحد من
أصحاب مدرسة سلامة الجذر وهى دى راس مال شغلى لو جذر شجرتك
سليم الشجر بتاعك بيجرى قدامك. طب لو مفيش انقل على رقم .3
3)كده يا نجم عندك مشكلة فى برنامج تسميدك فيه نقص عناصر كبرى او
عناصر صغرى … طب اعرف ازاى؟
بص ياسيدى اعراض نقص العناصر الكبرى هاتلاقيها مع الورق القديم عناصر
كبرى ومتوسطة ازوت – فوسفور –بوتاسيوم- ماغسيوم – كبريت أما الصغرى حديد –زنك – منجينز –نحاس – بورون – مولبيدنم ومعاهم الكالسيوم من المتوسطة هتلاقيها مع الورق الجديد. طب نفرق بينهم ازاى وازاى نفرق بين الاصابات المرضية فطر- بكتريا – فيروس . ولو رسم توضيحى كمان لنقص العناصر ومكان ظهور عرض النقص والتمييز بابسط طريقة نوضح بيها الكلام ده. والاهم إزاى نحل المشكلة دى ..اتصرف إزاى وإيه برنامج تسميدى فى الحالة دى؟؟ وإيه شروط السماد بتاعى فى الحالة دى؟ إن شاء الله مع المقال القادم نقول إزاى وليه ..وايه هوه تكنيك الكيس والقطنة؟؟ وحتى موعد المقال القادم ….. السلام ختام
